Прага — старий, чеський варош,
Добре в нюй гуляти.
Айбо наші люди йдут,
Сюды заробляти.
Дома ташку ти збирают,
Банкы, солонина…
Ще ти й бавку там поклала,
Маленька дітина.
Вна не знає, сегіняшна,
Куди нянько пілит,
Айбо видит, що кладут всі,
Тай од себе ділит…
Очи в тя, як у тумані,
Річ ти однимає,
Бо дому не скоро прийдеш,-
Ото каждый знає.
Сівись в бус, закрили двері,
Руков ти махают,
А на серци, дуже тяжко,
Спазмы тя зжимают…
На граници шмон наводят,
У ташках гаруют,
Мечут мнясо й солонину,
Тебе вни не чуют.
Прийшов на місто з пустов ташков,
Копійкы рахуєш,
До аванца дотягнути,
Якось ты збируєш…
Нуч пугнала, нуч пригнала
Тебе на роботу,
Ніколи ти розникати
На Празьку красоту.
Случ