Предыдущая публикация
Кадрия Фәтыйхова
Ашлар белән барган чакта,
Ташлар белән бәрмәгез.
Кешеләрдән өстен булып,
Күккә борын чөймәгез!
Көн артыннан төннәр була,
Кояшны болыт каплый.
Дөньялар да алсу төсле ,
Гөлләрдән генә тормый.
Төрле хәлләр булуы бар,
Бүген мин,иртәгә син.
Бик биеккә күтәрелсәң,
Төшкәндә булыр читен.
Уйнап әйтсәң дә уйлап әйт,
Рәнҗетмә син сүз белән.
Кешеләрдән курыкмасаң,
Алла бар безне күргән.
Аллабызны санла дисәк,
Иман тулыр җаннарга.
Туган-туганны белми бит,
Ничек шуны аңларга?
Элек хатлар язышканнар,
Туганлык көчле булган.
Күрше-күлән туганнардай,
Гөрләшеп яшәп торган.
Хәзер башка сыймас хәлләр,
Безгә яңалык түгел.
Ахыры заман җитә әллә?
Шомланып куя күңел.
Присоединяйтесь к ОК, чтобы посмотреть больше фото, видео и найти новых друзей.
Комментарии 18