…Мы прыехалі ў Мінск наіўнымі
Паступаць ва ўніверсітэт.
І ў тую пару,як ні дзіўна,
Выпаў нам шчаслівы білет.
Бібліятэкі,кіно,тэатры,
Будатрады,бульба і хор,
Агітбрыгады,танцы і жарты,
І экзаменаў тлумны віхор.
А яшчэ ж былі і спатканні
І вясной,і сярод зімы.
Нехта нам прызнаваўся ў каханні,
Пра кагосьці марылі мы…
Успамінаецца наша сустрэча,
Што была 20 год назад.
Плыў над Мінскам чароўны вечар,
Сакавік-маладая вясна.
Ды і мы былі маладыя-
Песні,вершы,гарэзлівы смех.
Усе родныя,дарагія
І такія прыгожыя ўсе.
Часам нам толькі так здаецца,
Што наперадзе дні і дні.
З некаторымі ўжо не сустрэцца:
Адляцелі ў вечнасць яны.
І дажджы былі,і завеі…
Хоць няпросты ў кожнага шлях,
Застаюцца з намі надз
Праз столькі год нас сустракае Мінск,
Як у пару шчаслівага студэнцтва.
Здаецца,што на першым курсе мы-
Такая радасць шчырая ў сэрцы.
Гатовы зноў праз наш любімы сквер
Ісці мы на філфак вучыцца.
Цаніліся там дружба і давер,
І нездарма ўсё гэта часта сніцца.
Хоць часам наплывае светлы сум,
Ды з хмаркай растае ён на світанні.
З юнацтва чуецца вясёлы смех і шум
Нам праз гады,сустрэчы і расстанні…