Gələrsən
Nə müddətdi "gələnmirsən" eybi yox,
Karvan məni ağlıyanda gələrsən.
Şad günümə sevinməyən kimsələr
Gözlərimi bağlıyanda gələrsən.
İndi mənə bəlli oldu ilqarın
Onsuzda şad günü yoxdu qulların
Qərənfillər mən keçdiyim yolların
Sinəsini dağlıyanda gələrsən
Sənmi ögey oldun, yoxsa mən naşı,
Tutan yox arxadan atılan daşı,
Doğmaların can yandıran göz yaşı
Sinəm üstə çağlıyanda gələrsən.
Çox qaçarsan keçmişimin iziylə,
Qayıdan döl Eloğlunun sözüylə,
Ölüm məni xoşbəxt edib, özüylə
Yer altında saxlıyanda gələrsən.
Elşən Eloğlu 02.02.2019