Настаўнікі Слабадской сярэдняй школы імя М. М. Пшонкі арганізавалі велапрабег па памятных мясцінах ваеннай гісторыі Слабадскога сельсавета. Гэтае мерапрыемства прымеркавана да 80-й гадавіны вызвалення Беларусі ад нямецка-фашысцкіх захопнікаў.
Трыццацікіламетровы веламаршрут "Абеліскі Слабадскога краю" прайшоў праз аграгарадок Слабада, вёскі Гадзіўля, Велеўшчына, Аношкі, дзе знаходзіцца шэраг помнікаў, памятных месцаў і пахаванняў партызанаў і мірных жыхароў, землякоў, воінаў Чырвонай арміі, якія загінулі ў гады Вялікай Айчыннай вайны.