Նռանե
Սովորիր ցավից ոչ թե արտասվել,
Այլ բռունցք դառնալ,
Քեզ նեղացնողին ոչ թե միշտ ներել,
Այլ տեղը տեղին ցավոտ հարված տալ։
Կոտրի՛ր այն ձեռքը,
Որը կփորձի ընձյուղդ պոկել
Ու տե՛ս. կփորձի մեկն այս աշխարհում
Տեղին անտեղին քեզ ցավ հասցնել։
Բարի լինելը տարբերի՛ր
Հիմար ու խեղճ լինելուց,
Քո զավակներին ուժեղ լինելը
Սովորեցրու մանկուց։
Քո ներումների սահմանը ճշտելիս
Խորհուրդ հարցրու ԵՍ֊իդ և խղճիդ,
Որ ոչ խիղճդ քեզ տանջի անխնա,
Ոչ էլ տրորված ԵՍդ նեղանա։
Սիլվա Գուլանյան