Жаданая сустрэча Мне душна ў тлуме гарадскім,калі Па роднай вёсцы моцна засумую. У лепшы свой куточак на зямлі Прыеду, ў край маленства - Гарадную. Сустрэне бацькаў двор. О колькі дзён Я ўпотай аб сустрэчы гэтай марыў! Ля веснічак пяшчотна дзедаў клён Палашчыцца галінкаю па твары. Узрадавана хата падміргне Падфарбаваным вымытым аконцам. Пацісне тата моцна руку мне, Цяплом сагрэе мама, нібы сонца. Патоне хата ў моры пахаў-чар, Што разнясе ад печкі мамін боршчык. На згадку мне прадасць стары ганчар З мясцовай гліны паліваны горшчык. Гасцінна прыме даўні сябра - лес, Пахваліцца мне першымі грыбамі. Ускружыць галаву пахучы бэз І нагадае, што было між намі. Усё мне блізка і знаёма тут. Душу