Պատահում է սիրտդ լցվում
Ու չի լալիս ժամանակին,
Ամպը անձրև է խոստանում
Ու չի տալիս ժամանակին՝
Շտապում է կամ ուշանում.
Ես այդպես էլ գլխի չընկա,
Թե մեր ուզած ժամանակը,
Երբ է գալիս ժամանակին:
Հ․ Սահյան
Հոգնած տարիքս
Ուսերիս առնեմ,
Հոգնած ոտքերս,քարշ տալով գնամ,
Գնամ մեր հին տան,
Դռները բանամ,
Հին երազներիս,
անթեղը խառնեմ։
Ցուրտ մոխրի տակից,
Մի կրակ հանեմ,
Փչեմ թեժանա,
ու ես տաքանամ....
Արթացնեմ մերոնց,
Հարցուփորձ անեմ,
ԵՒ լսեմ նրանց, և
Հանգստանամ։
Հ.ՍԱՀՅԱՆ