Предыдущая публикация
❗Доганы намаз укымаган кешегә укырга ярыймы❓
Рамил хәзрәт Юныс социаль челтәрдәге сәхифәсендә язылучыларының сорауларына җаваплар биргән.
“Доганы намаз укымаган кешегә дә укырга ярыймы?”
– Аллаһның капкасы барлык кешеләр өчен дә ачык. Намазлы булсаң, догалар тизрәк кабул булыр һәм хәерлесме генә тормышка ашар.
“Истихара намазыннан соң җавап күпме вакытта килә?”
– Истихара намазын уку мөһим, ә җавабын көтү түгел. Җавабы килмәсә дә, җаның теләгәнчә эшлә. Шул дөрес булыр.
“Дога тәкъдирне үзгәртә аламы?”
– Әйе, үзгәртә.
Вафат булганнар өчен (исәннәр өчен дә ярый) 41 Ясин һәм 51 Мөлекне багышлау рәвеше.
Тәһәрәтләнгәч, ният әйтәбез:
Әгүзү билләһи минәш-шәйтанир-раҗим, бисмилләһир-рахмәнир-рахим.
Иләһи ният кылдым (кем рухына яки үземә - барачак ахирәтемә?! ) мәсәлән : ГабдесСамат улы Инсаф рухына (ахирәтемә) Ясин һәм Мөлек сүрәләрен укымакка, халисән лилләһи Тәгалә.
Укырга:
1. Фатиха сүрәсе.
2. Әлиф ләм мим.(Бәкара сүрәсенең 5 аяте)
3. Аятел Көрси.
4. Ясин сүрәсе.
5. Мөлек (тәбәрәк) сүрәсе.
6. Кәфирүн сүрәсе.
7. Ихлас сүрәсе.
8. Фәлакъ сүрәсе.
9. Нәс сүрәсе.
Шуннан соң укып бетергәч багышлыйсың Бисмилләһ әйтеп:
Бисмилләһир-рахмәнир-рахим.
Аллаһ ризалыгы өчен шушы укыган Коръән сүрәләремнең савабын (әтисенең исеме... улының яки кызының исеме әйтеп) рухы шәрифенә багышлыйм. Йә,Раббым!Гөнаһларын ярлыка, ярлыка, ярлыка.
(дога кылына)
Бисмилләһир-рахмәнир-рахим.
Раббәнәә әәтинә фид-дүн’йәә хәсәнәтәү үә фил-әәхирати хәсәнәтәү үә кыйнәә гәзәбән-нәәр.
(41 көн Ясин укыгач, 51 енә кадәр Мөлекне укуны дәвам итәсе!)
"Күңелеңне бер биздергән кеше белән аңлашып та торма. Кайчандыр сиңа начар булган җиргә кире кайтма. Үтенечеңне бер кире каккан кешедән бүтән сорама. Сиңа хыянәт иткәнне якын да китермә!"
Мин бу сүзләрне ниндидер фәлсәфә сәхифәсеннән күчереп алдым... Ләкин... Әйе," ләкин" дип башлап, Ислам дине өйрәткәннәр буенча өстәмә дә язам. Сезне гөнаһлы уйларга этәрү мөмкинлегеннән куркып киттем чөнки. Тормыш юлындагы кешеләр безгә Аллаһ тәгалә тәкъдире белән очрыйлар. Сынау һәм сыналу, начарлык һәм яхшылык турында белемнәрне арттыру өчен. Тормыш юлында очраган һәр кеше йә начарлык, йә яхшылык сабагын бирә бит. Уйга сала, яшәргә өйрәтә. Шуңа да кешеләрнең барысына да рәхмәтле булып, күңелеңнән начарларының начарлыкларын кичереп,һәрберсен гафу итеп, ачу сакламыйча, ә яхшыларының яхшылыкларына рәхмәтләр укып, һәркайсына да Аллаһтан әҗер-сәвапларын сорап яшәүчеләрдән булыйк! Без дә бәндәләр, без дә ялгыштык, кемгәдер начар, кемгәдер яхшы булганбыздыр. Безне дә кичерсеннәр. Барыбыз да Раббыбыз ризалыгына ирешсәк иде! Әәмиин, йәә Раббыбыз!
Болар белән килешәсезме, дуслар?
Нәсимә Садыйк.
Бер-беребезнең хәл-әхвәлләрен белешергә вакыт табыйк, дусларым!
Дөньяны куарга кирәк, әлбәттә, ләкин аны куып тота алган кеше юк. Беразга гына булса да тукталып уйланып алыгыз әле, бәлки бу минутларда сезнең җылы бер сүзегезгә мохтаҗ туганыгыз, танышыгыз бардыр. Аллаһы Тәгалә бит ул сынауны бер аңа гына бирмәде, туганнары, дусларын да шул авырлык аркылы, "Нинди гамәл кылырлар, нинди мөгамәләдә булырлар колларым", - дип барыбызга да сынау итеп җибәрде!
Вакытым юк дип аралашмау да дөреслеккә туры килми, Аллаһы Тәгалә безгә тәүлегенә 24 сәгать вакыт бирде. Ул вакыт Аныкы. Синеке дә, минеке дә түгел.
Следующая публикация
Комментарии 7