Слесар з Ваўкавыска ў сваім гаражы арганізаваў сапраўдную майстэрню. КРАIНА
Пяцісоткілаграмовы чырвоны дракон, міфалагічныя персанажы і жывёлы. За два гады слесар па прафесіі з Ваўкавыска асвоіў абсалютна новы для сябе занятак - разбярства па дрэве. Усе асаблівасці нечаканага хобі малады чалавек спасцігаў самастойна. У выніку ў скарбонцы майстра-самавучкі больш за дзясятак прац. У перспектыве яны стануць экспанатамі своеасаблівага музея драўлянай скульптуры. Юрый Карняловіч сустрэўся з разьбяром і даведаўся пра яго далейшыя творчыя планы.
У сваім гаражы Валерый Смірноў арганізаваў сапраўдную сталярную майстэрню. Машыніст па прафесіі, два гады таму захапіўся разьбой па дрэве. Прызнаецца: на працы прыходзіцца вырашаць складаныя тэхнічныя задачы, а вось душа патрабавала творчага занятку. Усе свае задумкі малады чалавек змог рэалізаваць як раз у дрэве.
А пачыналася ўсё ў майстра-самавучкі вось з гэтай канструкцыі. На працягу месяца Валерый уласнымі рукамі змайстраваў сапраўдны дзіцячы гарадок. І зараз тут адпачываюць дзеці з усёй акругі.
Затым былі драўляныя лаўкі, сталы і нават спальная мэбля. Валерый набіраўся вопыту і асвойваў усё больш складаныя тэхналогіі. Праз два гады дарос да аб’ёмных драўляных скульптур. Сёння такіх работ у майстра ўжо больш за дзясятак.
Аднак сваім галоўным дасягненнем майстар лічыць пяцісоткілаграмовага драўлянага дракона. Ідэя яго стварэння з’явілася раптоўна. Каля бацькоўскага дома маланка зламала старую ліпу, і Валерый адразу ўбачыў у ёй выяву казачнага звера. Месяц напружанай працы, і чырвоны дракон атрымаўся не горшым чым на казачных ілюстрацыях.
У сваёй майстэрні Валерый Смірноў праводзіў увесь вольны час, не менш за 4-5 гадзін на суткі. Аднак такое захапленне гаспадара ў сям’і падтрымліваюць. Праўда, каб залагодзіць жонку, разьбяру прыйшлося змайстраваць мэблю для кухні. Унікальную, па ўласным праекце, якой няма ні ў адной з сябровак.
Сёння Валерый эксперыментуе з рознымі відамі драўніны. Аднак перавагу аддае толькі аднаму. Садовая груша, хоць і складаная для апрацоўкі, аднак у выніку скульптуры атрымліваюцца неверагоднай прыгажосці.
У планах майстра стварыць на сваім участку невялікі музей драўлянай скульптуры, галоўным экспанатам якога стане чырвоны дракон. Для Ваўкавыска гэта будзе яшчэ адным месцам прыцягнення турыстаў. Гасцей Валерый чакае ў любы час, гатовы нават праводзіць невялікія экскурсіі і абсалютна бясплатна.
Показать еще
Присоединяйтесь — мы покажем вам много интересного
Присоединяйтесь к ОК, чтобы посмотреть больше интересных видео и найти новых друзей.