Неделя 29-я по Пятидесятнице, пред Рождеством Христовым, святых отец. Глас четвертый.
Рождественский пост. Пища с растительным маслом
Предпразднство Рождества Христова.
Мучеников, иже в Крите: Феодула, Саторнина, Евпора, Геласия, Евникиана, Зотика, Помпия, Агафопуса, Василида и Евареста (III).
Сщмч. Василия пресвитера и прмчч. Макария и Ионы (1938).
Преставление свт. Феоктиста, архиеп. Новгородского (1310).
Прп. Нифонта, еп. Кипрского (IV).
Прп. Павла, еп. Неокесарийского (IV).
Св. Наума, просветителя Болгарского (Болг.).
Новосщмчч. прот. Иоанна Пьянкова и свящ. Николая Яхонтова (1918).
Прп. Давида Эчмиадзинского, в Армении.
Прп. Нифонта, монаха.
Новосщмч. Павла (Кратирова), еп. Старобельского.
Св. Егверта Рафмелсигского (729) (Нидерл.).
Чтения дня
Иоанна 20:1-10 (на утрене. Евангелие 7-e)
Евреям 11:9-10, 17-23, 32-40 (недели пред Рождеством Xристовым)
Матфея 1:1-25 (недели пред Рождеством Xристовым)
ТРОПАРИ
Тропарь воскресный, глас 4.
Све́тлую Воскресе́ния про́поведь/ от Áнгела уве́девша Госпо́дни учени́цы/ и пра́деднее осужде́ние отве́ргша,/ апо́столом хва́лящася глаго́лаху:/ испрове́ржеся сме́рть,/ воскре́се Христо́с Бог,/ да́руяй ми́рови ве́лию ми́лость.
Богородичен, глас тойже.
Éже от ве́ка утае́нное,/ и Áнгелом несве́домое та́инство,/ Тобо́ю, Богоро́дице, су́щим на земли́ яви́ся Бог,/ в несли́тном соедине́нии воплоща́емь,/ и Кре́ст во́лею нас ра́ди восприи́м,/ И́мже воскреси́в первозда́ннаго,/ спасе́ от сме́рти ду́ши на́ша.
Кондак, глас тойже.
Спас и Изба́витель мой/ из гро́ба, яко Бог,/ воскреси́ от уз земноро́дныя,/ и вра́та а́дова сокруши́,/ и я́ко Влады́ка воскре́се тридне́вен.
Мучеников, иже в Крите. Тропарь, глас 3.
Многочу́дный Крит почти́м,/ процве́тший честны́я цветы́,/ Христо́вы би́серы,/ му́чеников сора́сленых,/ де́сять бо суть число́м, блаже́ннии,/ и́же весь и́дольский наро́д посрами́ша,/ те́мже и венцы́ прия́ша, добледу́шнии.
Кондак, глас 4.
Денни́ца возсия́ му́чеников/ честно́е страда́льчестно предозаря́ющее нам в верте́пе ражда́емаго:/ Его́же Де́ва безсе́менно ро́ди.
Предпразднство Рождества Христова. Тропарь, глас 4.
Гото́вися, Вифлее́ме,/ отве́рзися всем, Еде́ме,/ красу́йся, Евфра́фо,/ я́ко дре́во живота́ в верте́пе процвете́ от Де́вы:/ рай бо Óноя чре́во яви́ся мы́сленный,/ в не́мже Боже́ственный сад,/ от него́же я́дше, жи́ви бу́дем,/ не я́коже Ада́м у́мрем./ Христо́с ражда́ется пре́жде па́дший возста́вити о́браз.
Кондак предпразднства, глас 3.
Де́ва днесь Преве́чное Сло́во в верте́пе гряде́т роди́ти неизрече́нно:/ лику́й, вселе́нная, услы́шавши,/ просла́ви со Áнгелы и па́стырьми/ хотя́щаго яви́тися Отроча́ Мла́до, Преве́чнаго Бо́га.
Свт. Феоктиста. Тропарь, глас 3.
Бо́жия Сло́ва Прему́дрости изря́дный служи́тель,/ а́нгельскаго жи́тельства и́стинный подража́тель,/ Боже́ственныя чистоты́ рачи́тель,/ архиере́ом сопресто́льниче, преподо́бным сожи́тельниче,/ па́стырская красота́,/ Вели́кому Но́ву гра́ду похвала́,/ святи́телю пречестны́й Феокти́сте, о́тче наш,/ Ему́же, Сло́ву Бо́жию, в житии́ сем послужи́л еси́,/ моли́ спасти́ся душа́м на́шим.
Кондак, глас 8.
Архиере́йское украше́ние, Вели́кому Но́ву гра́ду Богодухнове́нное удобре́ние,/ су́щия бо в нем лю́ди на па́житех живоно́снаго зако́на Госпо́дня упа́сл еси́,/ и сего́ ра́ди в ли́це святы́х водворя́тися сподо́бися,/ и святу́ю твою́ па́мять мно́гими ле́ты сотвори́ неоскверне́нну,/ в не́йже тя почита́юще, ра́дуйся, от души́ вопие́м ти, святи́телю о́тче Феокти́сте,/ Вели́кому Но́ву гра́ду похва́ла и утвержде́ние.
Св. Наума. Тропарь, глас 4.
Мир оста́вил еси́, прилепи́вся Христу́,/ плоть распя́л еси́, пожи́в Ду́ху,/ Нау́ме всеблаже́нне,/ потща́лся еси́ апо́стольским подвиза́тися тече́нием/ и улови́л еси́ к ве́ре Болга́рская неисче́тная мно́жества./ Те́мже моли́твами твои́ми/ изба́ви нас от искуше́ний.
Кондак, глас 3.
Све́тлых твои́х по́двигов пречестна́я па́мять, я́ко ве́лие со́лнце, всем возсиява́ет,/ ли́ца воспева́ющих тя просвеща́ет,/ де́моны и вся́ку боле́знь отгоня́ет:/ сего́ ра́ди, соше́дшеся, любо́вию сию́ ве́рно восхва́лим.