Соғинчларинг соғинчимга етолмайди,
Юраккинам сени ташлаб кетолмайди,
Афсус, висол бугун хушнуд этолмайди,
Соғинганим, соғиндингми сен ҳам мени?
Қанчалар хам соғинганим билсанг эди,
Тушларимга меҳмон бўлиб келсанг эди,
Ҳижрон эмас, сен юрагим тилсанг эди,
Ширингинам, соғиндингми сен ҳам мени?
Булутларга мактуб ёзсам олармисан?
Тунда ойга суратингни солармисан?
Қуёш каби сен ҳам ишқдан ёнармисан?
Эркатойим, соғиндингми сен ҳам мени?
Меҳринг бериб меҳрим олиб қолганмидинг?
Захмим олиб қалбимга ишқ солганмидинг?
Сен хам мендек висол кутиб толганмидинг?
Ойқизгинам, соғиндингми сен ҳам мени?
Сен ҳам мендек кунлар санаб юргандирсан?
Ҳар лаҳзани тез ўтсин деб тургандирсан?
Ҳижрон заҳмин сен ҳам мендек билгандирсан?
Меҳрибоним, соғиндингми сен ҳам мени?
Жанубий Корея.
Декабрь, 2008 йил.
Али Ал Меҳр
Показать еще
Присоединяйтесь — мы покажем вам много интересного
Присоединяйтесь к ОК, чтобы посмотреть больше интересных видео и найти новых друзей.