****
Դու ստանձնել ես բարձր պարտականություն` օգնել սերունդներին պահպանվել որպես բնության ստեղծած տեսակ, մնալ հայ ու ձգտել մտքի, հոգու ու մարմնի կատարելության: Դու ինքդ` քո երկրի պատմության մունետիկն ես, երկրիդ մշակույթը, լեզուն ու սովորությունները: Ամենքի մեջ թողնելով քո մասն ու գաղափարը, ապրումներն ու կարոտները, աննկատ դառնում ես հայրենիքիդ ամենաբնորոշ տրամադրությունը, հասարակության զարկերակը:Քո կերպարով մգանում ու ամբողջական է դառնում ապրածդ ժամանակը: Քո աշխատանքից է կախված մեր վաղվա օրը, հույսի ու երազի չափը:
Դուք, որ լուռումունջ, ի գին ամեն զրկանքի Ձեր ուսերին եք կրում մեր ժողովրդի ամբողջականության, ազգային արժեքների լիարժեք պահպանման, մեր ժողովրդի անպարտելիության ու կեցության գաղտնախորհուրդ հավատքի սերնդե-սերունդ ներարկումը: Դուք, որ քաջ գիտակցում եք այսօր դպրոցի առջև դրված բավականին լուրջ գործի կոչող իրավիճակը, գիտեք, որ մեր դպրոցներում պետք է թագավորի չորս պաշտանմունք՝ հայրենիքի, մարդու, գրքի, մայրենի լեզվի:
Գիր ու գրականության, դպրոցի և ուսուցչի դարավոր պաշտամունք ունեցող ժողովուրդն է Ձեզ ուսուցիչ կարգել: Ուրեմն արժանի եղեք այս վեհ կոչմանը: Ուսումնական տարվա զանգի յուրաքանչյուր ղողանջ թող Ձեզ համար հնչի գալիքի համար լույսի սերմեր շաղ տալու բարի ակնկալիքով:
Մենք հիշենք ու հպարտանանք, որ
Կյանքում բոլոր լուսե մարդկանց
Ուսուցիչ անունն են տվել… Հայոց դպրոցի սիրելի ուսուցիչներ, հայորդիների դաստիրակության հայրենանվեր ու անձնուրաց գործի անդու՛լ մշակներ, շնորհավորում եմ Ձեզ ամենատարողունակ և ամենամարդկային մասնագիտական օրվա՝ Ուսուցչի օրվա առիթով:
Շնորհավո՛ր տոնդ, սիրելի ուսուցիչ:
Присоединяйтесь к ОК, чтобы подписаться на группу и комментировать публикации.
Нет комментариев