"7-гадовая беларуская народная школа ў Маладэчне. 1942-43 школьны год". Фота апублікавала Kinga Kamińska. У Генеральнай Акрузе "Беларусь" нямецкая акупацыйная адміністрацыя арганізавала школы на беларускай мове. У Вялейскай акрузе ў 1941-42 навучальным годзе было 420 беларускіх народных школ, у іх працавалі 974 настаўнікі і 40.116 вучняў. У Глыбоцкай акрузе было 484 беларускія школы, 954 настаўнікі і 43.466 вучняў. У Паставах была адчынена настаўніцкая семінарыя, а ў Глыбокім - земляробская школа і прагімназія. Земляробскія школы былі таксама ў Опсе і Псуі. У Глыбоцкай акрузе было арганізавана 100 беларускіх бібліятэк, якія былі складзеныя з кніг, выдадзеных у міжваенны час у Вільні.