***
Бог не пакінуў Беларусь
І не пакіне.
З душы маёй Ён зніме груз,
Растопіць іней.
А я б пакінуў Беларусь…
Любы пакіне,
Хто вытрываць не можа груз –
Халодны іней.
Здаецца, недзе б гараваў,
Была б прычына…
І Беларусі б дараваў,
Яна – Айчына.
Ды не пакіну Беларусь.
Хай той пакіне,
Хто можа скінуць думак груз
І з сэрца іней…
Бог не пакінуў Беларусь
І не пакіне.
З душы Ён зніме цяжкі груз
Маёй Айчыне.
26. 08. 2020 г.