І НЕ ЗНІКАЦЬ ПАЭТАМ ВЕЧНА “Тут нарадзіліся думкі, Воля, імкненні, жаданні, Тут стаў я сынам краіны, Абпален яе агнём... Таму і люблю я Оршу Першым вялікім каханнем, Якое не знікне, пэўна, Нават з маім жыццём.” Так пісаў пра свой родны горад вядомы беларускі пісьменнік Уладзімір Караткевіч. І гэта ўзаемна. Аршанцы любяць, памятаюць і ганарацца сваім таленавітым земляком. 25 ліпеня – Дзень памяці Уладзіміра Сямёнавіча Караткевіча, і напярэдадні ў Аршанскім музеі У.С.Караткевіча прайшлі традыцыйныя літаратурныя чытанні. У гасцінныя сцены музея, як заўсёды, прыйшлі паэты. Гэта члены народнага літаратурнага аб’яднання “Дняпроўскія галасы” – Тамара Краеўская, Пётр Аўраменка, Вольга Крываносав