Алтынды еріте білмеген ірітер,
Теріні илей білмеген шірітер.
Өнерлі бала сүйкімді.
Кедеймін деп қысылма,
Өнерің болса қолыңда.
Өнерлінің ырысы –
Жарқырап жатар жолында.
Бас тұмақтың үлгісі.
Өтпес пышақ қол кесер.
Білекті бірді жығар,
Білімді мыңды жығар.
Білімді өлсе,
Қағазда аты қалар,
Ұста өлсе,
Істеген заты қалар.
Білім таппай мақтанба,
Өнер таппай баптанба.
Қына тасқа бітеді,
Білім басқа бітеді.
Көргенсіз дегенге ашуланба,
Көрмей білмессің.
Адасқанның артындағысы біледі.
Жаңылғанның жанындағысы біледі.
Білім ауысады,
Ырыс жұғысады.
Алғыға қарап пікір ет,
Артқыға қарап шүкір ет.
Біреу білмегенді біреу білер,
Біреу жылайтынға, біреу күлер.
Туа білмейді, жүре біледі.
Қарғысты