«Сны аб Беларусі» – паэтычная містэрыя, дзе сучаснікі намагаюцца ўжыцца ў вобразы сваіх папярэднікаў, вызначыць іх як «беларусаў на ўзроўні падсвядомасці».
Праявы і вобразы выступаюць са сцэнічнай цемры, як з мінуўшчыны, а кампазіцыя твору нагадвае Купалаўскую мадэль нацыянальнай гісторыі – «… мае незавершаны, цыклічны характар, напоўнена супярэчлівасцю і трагедыйнасцю… ».
Ідэя і пастаноўка Уладзіміра Савіцкага
Прэм'ера 30 кастрычніка 2020, 18.00
У нашым тэатры стартуе новы праект – «Сустрэчы з класікамі і сучаснікамі»!
14 кастрычніка (серада) у 19:00 рыхтуецца да першага паказу на вялікай сцэне першы спектакль-чытанне камернага фармату «Сны аб Беларусі» Янкі Купалы. Ідэя і пастаноўка Уладзіміра Савіцкага.
«Сустрэчы з класікамі і сучаснікамі» – гэта сустрэчы-знаёмствы з беларускімі паэтамі, якія рэалізуюцца ў межах «Цэнтра творчых праектаў» ТЮГа. Сучаснікі прыйдуць да нас самі, творы класікаў увасобяць нашы артысты. Галоўная роля на гэтых сустрэчах належыць жывому мастацкаму слову, яно вызначае форму і змест прадстаўлення, ягоную прастору і дзеянне.
Дзеянне гранічна сціснутае. Сэнс – шматзначны.
22 верасня да нас завітаюць Андрэй Жвалеўскі і Яўгенія Пастэрнак! Будзем разам глядзець спектакль "З нагоды мёртвых душ" па кнізе "Смерть мёртвым душам!", а пасля – абмяркуем.
Самі аўтары пішуць, што цікава паглядзець, як трансфармаваўся спектакль праз 2 гады пасля прэм'еры. Вельмі раяць прывесці падлеткаў (ад 7 класа), асабліва тых, хто "кривит нос при слове «классика» и «школьная программа по литературе»".
Крыніца: http://bit.do/vstrechaemsya-vo-vtornik-v-beltjuze
Прыходзьце заўтра ў ТЮГ а 18-й!
Шаноўныя сябры!
Мы спадзяемся, што нашы сустрэчы адновяцца. Найбольш верагодна – з 19 верасня, бо маем просьбу паказаць “Казкі дзядзькі Якуба” паводле Якуба Коласа (гэтая музычна-пластычная фантазія перажыла адзін-адзіны паказ 25 сакавіка).
Арыентуйцеся на 11.00 і 14.00 гадзін. Цешымся з таго, што пастаноўка дае нагоду задумацца пра агульначалавечыя каштоўнасці.
“Яркі, рухавы, аптымістычны спектакль здольны пераканаць дзетак у тым, што Колас і ўся беларуская літаратура – гэта не сумна, а весела і забаўна. <…> Ёсць у спектаклі інтэрактыўныя гульні, сцэнічны бой, педагагічныя тэхналогіі, ёсць і сацыяльны кантэкст, які будзе зразумелы і цікавы дарослым. Экспазіцыяй становіцца гульня дзяцей,