Шу куни Макка фатҳ этилди.
Ҳудайбия сулҳини бузган қурайшийлар мусулмонлар ҳимоясидаги Ҳузоа қабиласига ҳужум уюштиришди. Бундан аввал ҳам улар мусулмонларга кўп зарар етказишган, Исломни йўқотиш учун Мадинага уч марта ҳужум уюштиришганди. Энди ёвузликни жазолаш вақти келган эди. Расулуллоҳ соллаллоҳу алайҳи васаллам рамазоннинг 10-куни ўн минг кишилик муаззам бир қўшин билан Макка сари юрдилар. Ўн кундан сўнг жумада Маккага кириб бордилар. Расулуллоҳ соллаллоҳу алайҳи васаллам туя устида Каъбани тавоф қилдилар, каъба ичидаги 360 та бут синдирилди, Каъба устида Билол Хабаший томонидан азон янгради. Макка фатҳи тарихга тавҳид эътиқодининг ғалабаси, куфрнинг мағлуб бўлишига сабаб бўлган Буюк Ислом инқилоби бўлиб кирди. Милодий 622 йили икки туя, тўрт кишилик гуруҳ билан Маккадан Мадинага ҳижрат қилган Расулуллоҳ соллаллоҳу алайҳи васаллам орадан саккиз йил ўтиб, ўн икки минг кишилик қўшин билан ўз она шаҳарларини фатҳ этдилар.
Присоединяйтесь к ОК, чтобы подписаться на группу и комментировать публикации.
Нет комментариев